Рӯзи «Дарҳои кушод» дар Академияи ВКД
Душанбе, 20.04.2015. (АМИТ Ховар», Муқаддас Темурзода).-Дар ҳафтаи сипаригардида бо ташаббуси роҳбарияти Вазорати корҳои дохилӣ ва дар доираи «Барномаи ислоҳот (рушд)-и милитсия» дар Академияи Вазорати корҳои дохилӣ рӯзи «Дарҳои кушод» баргузор гардид.
Тибқи иттилои ВКД ҶТ, дар чорабинӣ падару модарони курсантон, 200 нафар тарбиятгирандаи мактаб-интернат, аъзои Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия ва намояндагони дафтари САҲА дар Тоҷикистон иштирок доштанд.
Дар Академияи Вазорати корҳои дохилӣ шунавандагон ва ҳайати шахсии ин даргоҳи илму маърифат саф ороста, бо сурудани Суруди миллӣ ва гузашти низомӣ ба чорабинӣ ҳусни идона зам намуданд.
Ҳамчунин кормандони Дастаи таъйиноти махсуси милитсия машқҳои намоиширо бо маҳорати баланди касбӣ нишон дода, аз чунин намоиш курсантон ва тарбиятгирандагони мактаб-интернат таассуроти бештар бардоштанд.
Сардори Академияи ВКД ҶТ Ф. Шарифзода зикр кард, ки тайи солҳои охир бо муҳайё гардидани шароити таҳсил ва омӯзиши илму маърифат шумораи довталабон ба академияи мазкур зиёд гардида, дар ин радиф фарзандони кормандоне, ки ҳангоми адои вазифа фавтидаанд, ҳамчунин ятимону бепарасторон низ ба илму дониш фаро гирифта мешаванд.
Ҳамоҳангсози миллӣ оид ба ислоҳоти милитсияи ВКД ҶТ Бобоназарзода Алӣ Бобоназар оид ба иҷрои «Стратегияи ислоҳоти милитсия барои солҳои 2013 — 2020» ва «Барномаи ислоҳот (рушд)-и милитсия барои солҳои 2014 — 2020» ибрози андеша намуд.
Дарвоқеъ, шароити кунунӣ дар академияи мазкур ба талаботи муосир ҷавобгӯ буда, дорои имкониятҳои хуб баҳри омӯзиш ва аз бар намудани фанҳои гуманитарию ҳуқуқшиносӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






