“Рӯзи мудофиаи гражданӣ” дар Чкалов

Хуҷанд, 23.04.2015. (АМИТ “Ховар”, Абдуаҳад Шарифзода).-Дар шаҳри Чкалови  вилояти Суғд  чорабинии “Рӯзи мудофиаи гражданӣ” баргузор гашт. Тавре ки масъулини кумитаи вилоятии мудофиаи гражданӣ ва ҳолатҳои фавқулодаи Суғд иттилоъ доданд, аз 13 то 18-уми апрели соли ҷорӣ дар шаҳри Чкалов тибқи нақшаи чорабиниҳои асосӣ оид ба масоили мудофиаи гражданӣ, пешгирӣ ва рафъи оқибатҳои  ҳолатҳои фавқулода вобаста ба мавзӯи “Амали мақомоти идоракунанда ва қувваҳои мудофиаи граждании шаҳр дар вақти бартараф намудани садамаи кимиёвӣ дар роҳи оҳан” санҷиши соҳаи ҳолатҳои фавқулодда ва мудофиаи граждании шаҳр ва машқи мукаммали мудофиаи гражданӣ гузаронида шуд.
— Максад аз баргузории чорабинии  мазкур- ин пеш аз ҳама пурзӯр намудани ҳолати омодабошии ҳайати роҳбарони мақомоти дахлдори давлатӣ дар бартараф намудани ҳолатҳои фавқулода ба ҳисоб рафта,  он дар корхонаи давлатии “Фулузоти нодири Тоҷикистон”  таҳти роҳбарии раиси шаҳри Чкалов Р.Давлатзода ва иштироки ҳайати роҳбарикунандаи шаҳр, хадамоти мудофиаи гражданӣ ва кормандони ташкилоту муассисаҳои шаҳр доир гардид, — афзуд манбаъ.