«Рамис-Испечак» — ғолиби Ҷоми шаҳрдорӣ

Душанбе, 21.04.2015. (АМИТ Ховар, Рафоати Абдулҳамид).- Ба иттилои Федератсияи футболи Тоҷикистон мусобиқа барои дарёфти Ҷоми шаҳрдори Душанбе бо ғалабаи дастаи футболи «Рамис- Испечак» поин шуд. Дар бозии ниҳоӣ «Рамис- Испечак» бар дастаи «Айнӣ» тавассути зарбаҳои пеналти бо ҳисоби 7 бар 6 ғолиб омад.  Дар маросими мукофотонии ғолибон раиси Федератсияи футболи шаҳри Душанбе Дилшод Ҷӯраев, ноиби раиси Федератсияи футболи шаҳр Увайдо Давлатбеков, Мураббии шоистаи ИҶШС, аъзои Кумитаи Иҷроияи ФФТ Шариф Назаров, собиқадорони футболи тоҷик Алимаҳмад Мирзоев ва Раҳим Шарипов, капитани «Истиқлол»-и Душанбе ва тими миллии Тоҷикистон Дилшод Восиев ширкат намуда, ба ғолибону ҷоизадорон Ҷому медалҳо ва туҳфаҳои Кумитаи тадорукотиро супориданд.