Робитаи Кумитаи ҷавонон бо ҷомеа мустаҳкам мегардад

Апрель 2, 2015 09:38

Душанбе, 02.04.2015.-(АМИТ  «Ховар», Некрӯзи Муҳаммадсодиқ).-  Аз 31 марти соли равон фармоиши нави раиси Кумитаи ҷавонон, варзиш ва сайёҳӣ Аҳтам Абдуллозода Оид ба фаъолияти кумита дар соҳаи танзими робита бо ҷомеа ва баланд бардоштани сатҳ ва сифати таблиғи сиёсати давлатӣ дар соҳаи ҷавонон, варзиш ва сайёҳӣ ба тавсиб расид, ки минбаъд робитаи Кумита бо ҷомеаро боз ҳам мустаҳкам менамояд. 
Ин иқдом бо мақсади танзими робитаи хизматии Кумитаи ҷавонон, варзиш ва сайёҳӣ бо ҷомеа, инчунин ба таври васеъ ва мутобиқ ба талаботи қонунгузорӣ тавсеа бахшидани таблиғоти сиёсати давлатӣ дар соҳаи ҷавонон, варзиш ва сайёҳӣ рӯи даст гирифта шудааст . 
Барои дар сатҳи зарурӣ ба роҳ мондани инъикос ва таблиғи фаъолияти Кумитаи ҷавонон, варзиш ва сайёҳӣ сомонаи интернетии он аз нав барномасозӣ мешавад. Бахши таҳлилу иттилоот доир ба чорабиниҳои баргузорнамудаи Кумита дар самти ҷавонон, варзиш ва сайёҳӣ, ки аҳамияти ҷамъиятӣ доранд, хабарҳои фишурда омода ва дар сомонаи он ҷойгир месозад. Ин фармоиш ба Бахши таҳлилу иттилооти Кумита имконият медиҳад, ки барои наворгирӣ, аксбардорӣ ва омода кардани хабарҳо тибқи талаботи қонунгузорӣ ва бо истифода аз технологияи муосир иштироки ихтиёриён (волонтёрон)-ро ҷалб намояд.
Лозим ба ёдоварист, ки сомонаи расмии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар шабакаи ҷаҳонии интернет дар суроғаи www.youth.tj ҷойгир буда, бештар доир ба ҳаёти ҷавонон хабарҳо пахш месозад. 
Дар ин бора Наврўз Қурбонзода, мутахассиси пешбари бахши таҳлилу иттилооти Кумитаи ҷавонон, варзиш ва сайёҳӣ хабар дод. 

Апрель 2, 2015 09:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд