Саҳми назарраси милитсия дар Рашт

Рашт, 15.04.2015.(АМИТ «Ховар», Мирзосафари Ризвон).- 13 апрел вазири корҳои дохилии Ҷумҳурии Тоҷикистон Рамазон Раҳимзода дар маркази ноҳияи Рашт- шаҳраки Ғарм бо шаҳрвандони ноҳияи минтақаи Рашт вохӯрӣ намуда, арзу шикоятҳои онҳоро шунид. Аксарияти сокинони ин маҳал ба он хотир ба вохӯрии Рамазон Раҳимзода омада буданд, ки арзу сипоси онҳоро ба Президенти кишвар нисбат ба ғамхориҳои ӯ ба аҳолии ин минтақа расонад. Ҳамчунин онҳо оид ба саҳми кормандони раёсати милитсияи Вазорати корҳои дохилӣ дар минтақа гуфтанд, ки солҳои охир милитсия дар таъмини тартибу интизом ва ҳифзи ҳуқуқи шаҳрвандон дар водии Рашт саҳми сазовор мегузорад.