«Саховат» аввалин шуда кишти пахтаро иҷро кард

Ҷиргатол, 16.04.2015 (АМИТ «Ховар», Субҳониддини Маҳмуд).-Деҳқонони хоҷагии деҳқонии «Саховат» бо истифода аз рӯзҳои офтобӣ  кишти пахтаро аввалин шуда  иҷро карданд.
Тавре ки дар ин бора  сардори раёсати кишоварзии  шахри Вахдат Давлат Холиқов иттилоъ дод, бо кумаки раёсати  кишоварзии шаҳри Ваҳдат хоҷагиҳои деҳқонӣ аз вилояти Суғд тухмии хушсифати  пунбадонаи  навъи «Ориён»-ро кишт карда истодаанд.
Ба гуфтаи мавсуф  раёсати  кишоварзии шаҳри Ваҳдат имсол кишти 500 гектар пахта, 600 гектар картошка ва 2363 гектар сабзавотро ба нақша гирифтааст, ки деҳқонон аз  рӯзҳои офтобӣ истифода карда, дар майдони 120 гектар кишти пахта, 400 гектар картошка ва 433 гектар сабзавот кишт карданд. 
Гуфта мешавад кишти зироатҳо феълан идома дорад.