Се медали тиллои боксчиёни ҷавони тоҷик

     Душанбе,24.04.2015 (АМИТ «Ховар»).-  Боксчиёни ҷавони Тоҷикистон дар  мусобиқоти  байналмилалӣ  дар  Олмон  се медал — як медали  тиллоӣ ва  ду  медали  биринҷӣ ба даст оварданд.
Назар ба  хабари  Кумитаи милии олимпӣ  дар шаҳри Филлинген- Швеннингени  Олмон  мусобиқот  аз  рӯи  бокс  барои   дарёфти ҷоми  Швартсвалд  баргузор гардид.  Дар он  варзишгарони  бисёр  кишварҳои  Аврупо  ва  аз  минтақаи Осиё  танҳо дастаи мунтахаби Тоҷикистон бо роҳбарии  Ҷамшед Раҳимов  иштирок  доштанд.
Меҳроб  Ҳомидов  дар  вазни  то 44 кг байни  наврасони  синнашон то 15 ҷойи аввалро  ишғол намуда, бо  медали тиллоӣ  мукофонида  шуд. Ашӯралӣ   Нурмуҳаммад  дар  вазни то  60 кг  байни  наврасони  синашон то 17  ва  Муҳаммад  Раҳмиов  дар  вазни 33 кг  байни  наврасони  синнашон  то 13  медалҳои  биринҷӣ ба  даст оварданд.