Ш. Зуҳуров дипломати швейтсариро ба ҳузур пазируфт
Душанбе, 13.04.2015.(АМИТ «Ховар», Марзия Саидзода).-Равобити ҳасанаи Тоҷикистон ва Швейтсария дар мулоқоти Шукурҷон Зуҳуров -раиси Маҷлиси намояндагони Маҷлиси Олии ҷумҳурӣ бо Мауро Рейна — сафири мухтор ва фавқулодаи Швейтсария дар Ҷумҳурии Тоҷикистон Мауро Рейна 13 апрел дар Душанбе баррасӣ шуд. Шукурҷон Зуҳуров -раиси палатаи поёнии кишвар гуфт, ки муносиботи дуҷонибаи Тоҷикистон ва Швейтсария дар асоси созишномаҳои байнидавлатӣ, ки ба имзо расидаанд, ба роҳ монда шудааст. Ду кишвар дар масъалаҳои калидии сиёсати байналмилалӣ ва амниятӣ мавқеи муштарак дошта, ин иштироки онҳоро дар равандҳои ҳамгироии минтақавӣ ба ҳам наздик месозанд. Алҳол байни ду давлат беш аз 10 ҳуҷҷати муҳим ба имзо расидааст, ки ин ҳуҷҷатҳо доираи васеи ҳамкориҳои дуҷонибаро фаро мегиранд. Ш. Зуҳуров аз фаъолияти Парлумони Тоҷикистон сухан карда, гуфт, ки Парлумони Тоҷикистон тӯли солҳои охир ҳамкориро бо парлумонҳои кишварҳои гуногуни ҷаҳон ба роҳ монда, дар ин замина гурӯҳҳои дӯстии байнипарлумониро таъсис додааст. Дар ин росто, тақвияти ҳамкориҳои байнипарлумонии Тоҷикистону Швейтсария низ барои истифода аз таҷрибаи касбкардаи якдигар дар самти таҳия ва қабули қонунҳо мусоидат менамояд. Дипломтаи швейтсарӣ аз сатҳи ҳамкории кишвараш бо Тоҷикистон дар заминаҳои мухталиф изҳори қаноатмандӣ намуда,гуфт, ки кишвараш омода аст, ҳамкориҳои гуногунсоҳа, бахусус ҳамкориҳои байнипарлумониро бо Тоҷикистон густариш диҳад. Дар мулоқот дигар масъалаҳои мавриди таваҷҷуҳи тарафайн низ матраҳ гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






