Ширкати ФФТ дар Конгресси 26-уми КФО

Душанбе, 29.04.2015. (АМИТ “Ховар”, Ситораи Боймурод).- Намояндагони Федератсияи футболи Тоҷикистон дар Конгресси 26-уми Конфедератсияи футболи Осиё, ки 30-юми апрел дар пойтахти Баҳрайн — Манама баргузор мегардад, ширкат меварзанд.
Тибқи иттилои сомонаи расмии Федератсияи футболи Тоҷикистон, дар  Конгресс намояндагони ҳамаи федератсияҳои миллии футболи қораи Осиё иштирок мекунанд. 
Гуфта мешавад, ки ба ҳайати Тоҷикистон Хуршед Мирзоев, ноиби аввали президенти ФФТ, Ислом Маҳмадшоев, дабири кулли ФФТ ва Дилшод Ҷӯраев, узви кумитаи иҷроияи ФФТ ва раиси Федератсияи футболи шаҳри Душанбе дохиланд. 
Бояд гуфт, ки Шайх Салмон Бин Иброҳим Ал-Халифа аз Баҳрайн, ки аз соли 2013 роҳбарии Конфедератсияи футболи Осиёро ба зимма дорад, ягона номзад ба вазифаи президенти AFC мебошад.