Сохтмони аввалин бинои панҷошёна дар Восеъ

Кӯлоб, 25.04.2015 (АМИТ «Ховар» Сулаймони Хол).-Дар ноҳияи Восеъ сохтмони иншооти гуногуни маданию маишӣ- хизматрасонӣ ва биноҳои маъмурӣ вусъати тоза касб мекунанд. Дар баробари ин соҳибкорони маҳаллӣ бо дастгирии ҳокимияти давлатӣ ба сохтмони хонаҳои баландошёна шуруъ намуданд. 
Соҳибкор Абдулазиз Қурбонов дар маркази ноҳия сохтмони аввалин бинои панҷошёнаи истиқоматиро оғоз намуд, ки мувофиқи лоиҳа дар ошёнаи аввали он маркази савдо ва хизматрасонӣ ва дар чор ошёнаи дигар  хонаҳои истиқоматӣ бунёд мегардад. Хонаҳо аз 2 ва се ҳуҷрагӣ иборат мебошанд. 
Ба қавли соҳибкор  Абдулҳафиз Қурбонов дар айни замон корҳои заминӣ ба охир расида, рехтани таҳкурсии бино ва корҳои оҳану бетонӣ идома доранд. Соҳибкор ният дорад, ки баъди ба анҷом расидани бинои мазкур дар шафати он боз як бинои дигари панҷошёна бунёд намояд.