Суғд: Ҷамъбасти озмуни “Кайҳон аз нигоҳи ман”
Душанбе, 27.04.2015. (АМИТ “Ховар”, Ситораи Боймурод).- Дар Планетарияи ба номи Абӯмаҳмуди Хуҷандӣ озмуни вилоятии расмкашӣ дар мавзӯи “Кайҳон аз нигоҳи ман” гузаронда шуд. Тавре ки дар ин бора хадамоти матбуоти раиси вилояти Суғд хабар додааст, ба озмуни вилоятӣ ғолибони даври шаҳрию ноҳиявӣ аз шаҳру ноҳияҳои Хуҷанд, Чкалов, Б.Ғафуров, Ашт, Спитамен, Ҷаббор Расулов, Мастчоҳ, Маркази таҳсилоти иловагӣ, Мактаби бачагонаи рассомӣ, Мактаби бачагонаи санъати шаҳри Хуҷанд корҳои эҷодии худро пешниҳод намуданд.
Гуфта мешавад, ки ҳакамон бо роҳбарии Арбоби ҳунари Тоҷикистон, директори артгалереяи “Сомониён”-и шаҳри Хуҷанд Ғафурҷон Ҷӯраев баъди азназаргузаронии корҳои эҷодии иштирокчиён ва саволу ҷавоб бо муаллифони расмҳо ҷойҳои ифтихориро муайян намуданд.
Ба 19 нафар ғолиби озмун дипломҳои дараҷаи якум, дуюм, сеюм ва туҳфаҳои хотиравии раёсати маорифи вилоят супорида шуданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
