Суғд: таъсиси 28 коргоҳи нав аз оғози сол
Хуҷанд, 16.04.2015. (АМИТ “Ховар”, Абдуаҳад Шарифзода).-Шурӯъ аз семоҳаи аввали соли ҷорӣ дар миқёси вилояти Суғд аз 170 коргоҳи мувофиқи нақша дар соли равон сохташаванда, алъон 28 коргоҳи нав ба фаъолият шуруъ намуд, ки аксари он корхонаҳои соҳаи саноати масолеҳи сохтмон, хӯрокворӣ ва сабук ба ҳисоб мераванд.
Дар ин замина дар вилоят бунёди як силсила корхонаҳои калон, аз қабили сохтмони корхонаи истеҳсоли сементи “Ғаюр-семент” дар ноҳияи Бобоҷон Ғафуров барои 1000 ҷойи корӣ ва истеҳсоли 1 млн. тонна семент дар як сол, комбинати металлургӣ дар шаҳри Истиқлол бо иқтидори коркарди 50 ҳазор тонна сурб ва 50 ҳазор тонна руҳ бо 1300 ҷойи корӣ, корхонаи “Броадтек” дар шаҳри Панҷакент ва ҶДММ «Нуқрафом» дар шаҳри Истиқлол бо маром идома доранд. Ҳамчунин корҳои танзимиву озмоишӣ дар коргоҳи дуюми заршӯйии КМ ”Зарафшон” бо иқтидори коркарди 10 ҳазор тонна маъдан ҷараёни хуб дошта, натиҷаҳои аввалини мусбат ба даст омада истодаанд.
Ҳамзамон аз оғози сол дар умум аз ҷониби коргоҳҳои саноатии вилоят ҳаҷми истеҳсоли маҳсулоти саноатӣ ба маблағи 905,7 млн. сомонӣ расонида шуд, ки нисбат ба ҳамин давраи соли гузашта 196,9 млн. сомонӣ зиёд мебошад.
Вобаста ба ин бояд зикр намуд, ки дар семоҳаи аввали соли ҷорӣ вилояти Суғд аз рӯйи суръати рушди саноат, ки он соли равон бо нархҳои муқоисавӣ ба 127,8 фоиз ва бо назардошти индекси нархҳо ба 122,7 фоиз баробар шудааст, дар миқёси ҷумҳурӣ ҷойи аввалро касб намуд. Вобаста ба ин ҳиссаи саноати вилояти Суғд дар ташаккули маҷмӯи маҳсулоти саноати ҷумҳурӣ ба 36% баробар гардидааст, ки он нисбат ба ҳамин давраи соли гузашта ба андозаи 2,6 ченаки фоизӣ зиёд аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






