Таҳкими ҳамкории ИДМ дар бахши амнияти иттилоотӣ
Душанбе, 8.04.2015.(АМИТ „Ховар“, Марзия Саидзода).- Кишварҳои Иттиҳоди Давлатҳои Мустақил /ИДМ/ ҳамкориро дар бахши таъмини амнияти иттилоотӣ тақвият мебахшанд. Дар иртибот ба ин 8 апрел вакилони Палатаи поёнии Парлумони Тоҷикистон Созишнома оид ба ҳамкории давлатҳо- иштирокчиёни Иттиҳоди Давлатҳои Мустақил дар соҳаи таъмини амнияти иттилоотиро баррасӣ карда, ба тасвиб расониданд.
Сӯҳроб Паноев-муовини раиси Кумитаи давлатии амнияти миллии ҷумҳурӣ зимни шарҳи санади мазкур гуфт, ки созишномаи мазкур дар асоси қоидаҳои изҳороти муштараки давлатҳои иштирокдорони ИДМ ҷиҳати иҷрои дастурамалҳо, Консепсияҳои ҳамкории давлатҳои иштирокчии ИДМ дар соҳаи таъмини амнияти иттилоотӣ, ки моҳи октябри соли 2008 бо қарори Шӯрои сарони ИДМ тасдиқ гардидааст, таҳия шуд. Созишнома аз дебоча ва 15 модда иборат буда, дар он зарурати таҳия ва ба имзо расонидани созишмнома ва масъалаҳои ҳамкорӣ пурра ва мушаххас дарҷ гардидаанд. Моддаи якуми ин санад гузаронидани чорабиниҳои муштараки мувофиқашударо барои таъмини амнияти иттилоотӣ талаб менамояд.
С. Паноев гуфт, ки солҳои охир дар натиҷаи ба роҳ мондани робитаҳои самаранок ва мутақобилан судманд миёни кишварҳои ИДМ баҳри таъмини амнияти иттилоотӣ корҳои назаррас анҷом дода шудаанд. Ҳамзамон вазъияти мураккаби сиёсӣ- ҷамъиятӣ, дар шароити муосир пурзӯр гардидани созмонҳои террористӣ, истифодаи технологияҳои иттилоотӣ ҳамчун воситаи муваффақ гардидан ба амалҳои ҷиноятӣ зарурати муборизаи дастаҷамъонаро бо ин падидаи манфӣ ба миён овардааст. Фаъолияти минбаъдаи давлатҳои иштирокчии ИДМ дар самти таъмини амнияти иттилоотӣ, ки дар доираи талаботи ин санад ба роҳ монда мешаванд, воситаи муносибест барои густариши бештари ҳамкориҳои судманд, пешгирии ҷиноятҳо бо истифодаи технологияҳои иттилоотию коммуникатсионии муосир.
Бояд тазаккур дод, ки созишномаи мазкур 20 ноябри соли 2013 дар шаҳри Санкт — Петербурги Русия аз ҷониби сарони ҳукуматҳои ИДМ ба имзо расид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






