Тамғазании моддаҳои кимиёвӣ

Душанбе,17.04.2015 (АМИТ «Ховар»).- 15 апрел  дар маъмурияти  Минтақаи  озоди  иқтисодии  «Суғд»  маросими  омӯзишӣ  дар  мавзӯи  «Татбиқи низоми  таснифу  тамғазании  моддаҳои кимиёвии Ҷумҳурии Тоҷикистон  дар сатҳи ҷаҳон» баргузор гардид. Дар ин  чорабинӣ  корманди илмии  Институти кимиёи  ба  номи  В. Никитини  Академияи  илмхои  ҶТ Р. Горшкова ва  муовини  директори  маркази  технологияи  биологии  Донишгоҳи  миллии Тоҷикистон З. Солибоева  сухан  карданд.
Мақсад  аз  доир  намудани  маросими  омӯзишӣ  баланд  бардоштани  сатҳи  воқифият  аз  идораи  моддаҳои  хафноки  кимиёвӣ  дар Тоҷикистон  буд.
Ба  намояндагони  ширкатҳои  истеҳсолии  «Суғд»  ва  ниҳодҳои  Минтақаи  озоди  иқтисодӣ,   ки фаъолияти  истеҳсолияш  мустақиман ё  ғайримустақиман   бо  истифодаи унсурҳои кимиёвӣ  алоқаманд аст,  рочеъ  ба   вазъи  корбурди  моддаҳои   ифлоскунандаи  кимиёвӣ  дар  ҷаҳон  ва  дар  Тоҷикистон, ҳамчунин  перомони  заминаи  қонунгузори оид  ба  идораи  моддаҳои  кимиёвӣ  муфассал  малумот  дода  шуд.