Тарбияи насли солим дар руҳияи худшиносӣ
Душанбе, 17.04. 2015. (АМИТ Ховар, Фарзонаи Давлат).-Дирӯз дар Донишкадаи давлатии забонҳои Тоҷикистон ба номи Сотим Улуғзода мулоқоти раиси Кумитаи ҷавонон, варзиш ва сайёҳӣ Аҳтам Абдуллозода ва раиси Кумитаи кор бо занон ва оила Махфират Хидирзода бо донишҷӯён баргузор гардид. Бино ба иттилои Наврӯз Қурбонов, мутхассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, ҳадаф аз баргузории мулоқот тарбияи насли солим ва дар руҳияи худшиносӣ инкишоф ёфтани ҷавонон арзёбӣ шуд. Дар мулоқот Махфират Хидирзода, раиси Кумитаи кор бо занон ва оила ба масъалаи фарҳанги оиладории ҷавонон дахл намуда, изҳор дошт, ки барпо намудани оилаи солим низ масъулияти баландро талаб менамояд. Номбурда таъкид намуд, ки дар оила бояд самимият бошад ва барои ин маърифати оиладории ҷавононро баланд бардоштан зарур аст. Раиси Кумитаи ҷавонон, варзиш ва сайёҳӣ Аҳтам Абдуллозода аз ҳаводиси солҳои охир, ки дар гӯшаҳои гуногуни дунё рӯй медиҳанд ва гумроҳии баъзе ҷавонони тоҷик изҳори нигаронӣ карда, гуфт, дар марҳалаи кунунӣ ҷавонони тоҷик бояд бомулоҳиза ва эҳтиёткор бошанд, зеро ба таъкиди Абдуллозода гурӯҳҳои алоҳида аз ҷавонон истифода мекунанд. Гуфта мешавад роҳбари ҷавонони кишвар ба масъалаи забономӯзии донишҷӯён таваҷҷуҳ карда, изҳор дошт, ки дар замони муосир донистани забонҳои хориҷӣ барои ҷавонон имкониятҳои зиёдеро фароҳам меоварад. Шумо хушбахтед, ки барои шумо имкони ходан дар донишгоҳу донишкадаҳоро фароҳам овардаанд. Аз ин рӯ, донистани забонҳои хориҷӣ барои шумо шарти зарурӣ мебошад,-афзуд раиси Кумитаи ҷавонон, варзиш ва сайёҳӣ Аҳтам Абдуллозода зимни мулоқот бо донишҷӯён.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






