Туризми мактабӣ дубора эҳё мегардад

Апрель 20, 2015 15:23

Душанбе, 20.04.2015 (АМИТ «Ховар», Фарзонаи Давлат).-Кумитаи ҷавонон, варзиш ва сайёҳӣ дар асоси нақшаи чорабиниҳои соли рушди туризми дохилӣ тасмим гирифтааст туризми мактабиро дубора эҳё намояд. Тавре ки дар ин бора Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ хабар дод, бо ин мақсад ва баҳри фарогирии ҳарчи бештари наврасону ҷавонон ба мероси бойи таърихиву фарҳангӣ ва захираҳои бойи туристӣ кумита дар ҳамкорӣ бо мақомоти маҳаллии ҳокимияти давлатии ноҳияи Рўдакӣ ва ширкати сайёҳии “Расулсохтмон” 19 апрел 200 нафар муҳасилини деҳаи Лоҳурро барои саёҳат ба шаҳри Душанбе сафарбар кард. Хонандагон зимни саёҳат аз Осорхонаи миллӣ, боғҳои Парчам, Нишон, Рўдакӣ, Китобхонаи миллӣ ва пайкараи Исмоили Сомонӣ боздид карда, роҷеъ ба таъриху фарҳанг ва анъанаҳои миллӣ маълумот пайдо намуданд. Ҳамзамон дар доираи ин саёҳат муҳассилини макотиби миёна аз Боғи ботаникии Ирам дидан карда, дар чорабиниҳои фарҳангӣ ва базми гулҳо иштирок намуданд. Гуфта мешавад чунин барномаҳо дар тамоми қаламрави кишвар аз ҷониби сохторҳои маҳалии кумита то охири сол мунтазам баргузор мешаванд, ки барои рушди туризми дохилӣ мусоидат хоҳанд кард.

Апрель 20, 2015 15:23

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд