Вазорати молия натоиҷи фаъолияти молиявиро ҷамъбаст кард

 Душанбе,21.04.2015.(АМИТ“Ховар”,Кристина Эрдих).- Охири ҳафтаи гузашта дар Вазорати молияи Тоҷикистон ҷаласаи васеи ҳайати раёсат аз рӯи натоиҷи семоҳаи якуми соли 2015 баргузор гардид.
     Назар ба иттилои Вазорати молияи ҶТ, муовини вазири молия Меҳринамо Ҷонмамадова аз натоиҷи фаъолияти молиявӣ ва иҷрои Буҷаи давлатии Тоҷикистон дар семоҳаи аввали соли 2015 ва вазифаҳо оид ба  рушд ва истифодаи судманди маблағҳои давлатӣ дар семоҳаи дуюми соли 2015 ва вазифаҳои пешорӯ дар семоҳаи дуюми соли ҷорӣ  гузориш дод.
      Вазири молияи ҶТ Абдусалом Қурбониён дар навбати худ, ба кормандони масъули вазорат ҷиҳати сари вақт ва хушсифат иҷро шудани Буҷаи давлатӣ дар семоҳаи дуюм ва дар маҷмӯъ соли 2015 супоришҳои мушаххас дод.