Вохӯрии Анвар Бобоев бо Субҳон Кошонов
Душанбе, 23.04.2015. (АМИТ «Ховар», Лайло Тоирӣ).- Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Анвар Бобоев 22-юми апрел бо раиси Кумитаи иҷроияи Анҷумани тоҷикон ва форсизабонони ҷаҳон «Пайванд» Субҳон Кошонов вохӯрд. Зимни вохӯрӣ тарафҳо доир ба масъалаҳои муҳоҷирати меҳнатӣ ва саҳмгузории бевосита дар ҳалли мушкилоти муҳоҷирони меҳнатӣ — шаҳрвандони Ҷумҳурии Тоҷикистон, ки дар хориҷа фаъолияти корӣ доранд, суҳбат оростанд.
Сардори хадамот Анвар Бобоев дар бораи ҷараёни иҷрои нақшаи чорабиниҳо оид ба татбиқи «Консепсия дар бораи ҷалби ҳамватанони бурунмарзӣ ҳамчун шарикони рушди кишвар», ки тибқи муқаррарот ҳар нимсола ҷамъбаст шуда, маълумот ба Ҳукумати Ҷумҳурии Тоҷикистон пешниҳод мешавад, иттилоъ дод.
Анвар Бобоев аз раиси кумита Субҳон Кошонов хоҳиш намуд, ки ҷиҳати пайдо намудани маълумоти пурра оид ба ҳамватанон ва ҷамъиятҳои бурунмарзие, ки дар давлатҳои Қазоқистон, Қирғизистон, Украина, Беларус, Британияи Кабир, ИМА, Фаронса ва дигар кишварҳои дуру наздик ба қайд гирифта шудааст, мусоидат намояд.
Субҳон Кошонов зикр намуд, ки Кумитаи иҷроияи Анҷумани тоҷикон ва форсизабононӣ ҷаҳон «Пайванд» омодааст ҳамкориро бо Хадамоти муҳоҷират мустаҳкам намуда, дар ҷалби ҳамватанони бурунмарзӣ ҳамчун шарикони рушди кишвар мусоидат намояд.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
