Ёрии дорусозони Хатлон ба мӯҳтоҷон

Душанбе, 01.04.2015. (АМИТ «Ховар», Мурод  Сотиев).- Корхонаҳои  дорусозии  минтақаи  Қӯрғонтеппаи  вилояти  Хатлон ба  ифтихори  иди Наврӯз  ба муассисаҳои  табобатӣ ва  маъюбон ёрӣ  расониданд. 
Назар  ба  иттилои Раёсати хадамоти назорати  давлатии  фаъолияти  дорусозии  вилояти  Хатлон, ёрӣ ба  касалхонаи  бемориҳои  рӯҳӣ ва  ҷамъияти  маъюбони  шаҳри  Қӯрғонтеппа дар  шакли  маводи  ғизоӣ  ва  дорувор расонида шуд. Корхонаҳои  дорусозии  ноҳияҳои  Шаҳритус  ва Қубодиён ба  мактаб  —  интернатҳои ноҳияҳои зикршуда  ва  дорусозони  ноҳияи  Ҷомӣ ба  70  нафар  маъюбони   маркази  маҳаллии  эҳё  дасти  ёрӣ  дароз  карда,  маъюбонро дастгирӣ  намуданд. 
Соҳибкори   бахши  дорусозии   ноҳияи  Ёвон  ба  хонаи кӯҳансолон  52  номгӯи  доруҳои аз гиёҳҳои шифобахш  сохташударо тақдим  кард.