Ғолибияти ДДХ, ДИС ва ДДҲБСТ дар озмуни «Энактус»
Душанбе, 19.05.2015. (АМИТ»Ховар», Рафоати Абдулҳамид).- Дар мусобиқаи ҷумҳуриявии «Энактус», ки дар Донишгоҳи тиҷорати Тоҷикистон байни мактабҳои олии Ҷумҳурии Тоҷикистон баргузор гардид, ДДХ ба номи академик Бобоҷон Ғафуров иштироки фаъол намуда, ҷойи аввалро соҳиб шуд.
Тавре ки Хадамоти матбуоти раиси вилояти Суғд хабар додааст, дастаи ДДХ ба номи академик Бобоҷон Ғафуров 5 лоиҳаи хешро фарогири мавзӯъҳои фароҳам овардани ҷойи корӣ барои одамони имконияташон маҳдуд, ҷамъоварӣ ва истифодаи дубораи лампаҳои каммасрафи аз истифода баромада, истифодаи самараноки замин ва маҳсулоти хом буданд. Дар озмун ҷойи дуввумро ДИС ДДТТ дар шаҳри Хуҷанд ва ҷойи сеюмро ДДҲБСТ сазовор гардиданд.
Гуфта мешавад, ки моҳи октябри соли 2015 донишҷӯёни ДДХ ба номи академик Бобоҷон Ғафуров дар ҳайати 41 нафар Тоҷикистонро дар арсаи ҷаҳонӣ байни 36 давлати ҷаҳон, ки дар Ҷумҳурии Африқои Ҷанубӣ баргузор мегардад, бо лоиҳаи такмилёфтаи хеш муаррифӣ хоҳанд намуд.
Ҷоиз ба зикр аст, ки ин дуюмин ғолибияти ДДХ ба номи академик Бобоҷон Ғафуров дар озмуни «Энактус» буда, он бори аввал соли 2007 мақоми аввалро соҳиб шуд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
