Ҳаҷми қарзҳои дарозмуддат зиёд шуд
Душанбе, 30.05.2015. (АМИТ «Ховар», Лайло Тоирӣ).-Дар охири моҳи апрели соли ҷорӣ аз рӯи маълумоти ҷамъбастии бонкӣ, бақияи умумии қарзҳо дар қаламрави кишвар нисбат ба ҳамин давраи соли гузашта 32,2 фоиз афзуд. Агар ба таркиби бақияи қарзҳо назар андозем, маълум мегардад, ки 48,4 фоиз ё 5 385,1 млн. сомониро қарзҳои кӯтоҳмуддат ва 51,6 фоиз ё 5 749,4 млн. сомониро қарзҳои дарозмуддат ташкил медиҳанд.
Фоизҳои миёнавазни қарзҳо дар моҳҳои январ-апрели соли ҷорӣ бо пули миллӣ 23,92 фоиз ва бо асъори хориҷӣ 21,35 фоизи солонаро ташкил намуданд, ки нисбат ба ҳамин давраи соли қаблӣ мутаносибан 3,11 ва 2,6 банди фоизӣ паст мебошанд.
Дар чор моҳи аввали соли ҷорӣ бинобар зиёд шудани талабот ба қарзҳои хурд нисбат ба ҳамин давраи соли 2014 ба андозаи 16,3 фоиз бештар қарзҳои хурд дода шудааст. Аз ин маблағ 403,3 млн. сомонӣ ба ноҳияҳои дурдасти кӯҳистон қарзҳои хурд дода шудааст, ки дар қиёс ба ҳамин давраи соли гузашта 3,2 фоиз зиёд мебошад.
Дар ин бора ба АМИТ «Ховар» аз хадамоти матбуоти БМТ иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






