Ҳафтаи кӯдакон ва наврасони шаҳри Душанбе
Душанбе, 26.05.2015. (АМИТ «Ховар», Лайло Тоирӣ).-Оғоз аз имрӯз, 26 май Ҳафтаи кӯдакон ва наврасони шаҳри Душанбе оғоз гардид, ки он то 1 июн- Рӯзи байналмилалии ҳифзи кӯдакон идома меёбад. Имрӯз дар доираи ин чорабинӣ дар майдони «Дӯстӣ»-и пойтахт аз ҷониби аъзои Созмони талабагони шаҳри Душанбе дар пояи муҷассамаи Исмоили Сомонӣ гулгузорӣ шуда, аъзои рамзӣ ба сафи Созмони талабагон пазирифта шуданд.
Бино ба гуфтаи муовини директори муассисаи давлатии Маркази кӯдакон ва наврасони шаҳри Душанбе Иброҳим Иброҳимов имрӯз дар «Боғи Ғалаба»-и пойтахт маросими ифтитоҳи «Ҳафтаи кӯдакон ва наврасони шаҳри Душанбе» баргузор гардид. Дар чорабинӣ хонандагону таълимгирандагони муассисаҳои таълимии шаҳри Душанбе, устодону омӯзгорон, собиқадорони Созмони талабагон ва дигар шахсон иштирок доштанд. Дар маросим наврасону кӯдакон ҳунарҳои дастиву дастовардҳои эҷодии худро ба тамошо гузошта, баъдан паради расмии наврасону кӯдакон аз назди Маҷмааи ёдгории «Боғи Ғалаба» гузашт.
«Аъзои Созмони талабагони шаҳри Душанбе ба номи Исмоили Сомонӣ дар фазои орому осудаи ватан худро чун ахтарони дурахшони симои Ватан эҳсос намуда, бо рӯҳияи баланд дар зери навои суруди миллӣ ва гимни Созмони талабагон ба кори «Ҳафтаи кӯдакон ва наврасони шаҳри Душанбе» оғоз намуданд»,-илова намуд И.Иброҳимов.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
