Ҳалокати 4 зани тоҷик дар Қирғизистон

Душанбе, 13.05.2015. (АМИТ «Ховар», Муқаддас Темурзода).-Дирӯзронандаи мошини тамғаи Audi 100, марди 57-солаи сокини Ҷумҳурии Қирғизистон, ҳангоми ҳаракат бо роҳи нақлиётгарди шоҳроҳи Бишкек-Ӯш аз уҳдаи идораи воситаи нақлиёт набаромада, бо мошини тамғаи Audi S4, таҳти идораи марди 34-сола, сокини дигари Ҷумҳурии Қирғизистон бархӯрдааст. Тибқи иттилои ВКД ҶТ, дар натиҷаи садамаи нақлиётӣ, ронандаи мошини Audi 100ва мусофирони ӯ, шаҳрвандони Ҷумҳурии Тоҷикистон: ду зани 51-сола, як зани 55-сола ва зани 46-сола, ҳама сокинони шаҳри Душанбе ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.Манбаъ ҳамчунин хабар медиҳад, ки дар ин рӯз инчунин ронандаи мошини тамғаи Opel Astra , марди 30-солаи сокини шаҳри Панҷакент ҳангоми ҳаракат бо роҳи нақлиётгарди Айнӣ-Панҷакент, дар ҳудуди ҷамоати деҳоти Саразм, ба самти муқобили ҳаракати роҳ баромада, ба дарахти канори роҳ бархӯрдааст. Дар натиҷа, ронанда ва мусофири ӯ зани 31-солаи сокини ҳамин ноҳия ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.