Ҳимоятгари пешини Помир Ҷоми Русияро гирифт

Май 22, 2015 10:33

Душанбе, 22.05.2015. (АМИТ «Ховар», Меҳрони Қурбон).-Собиқ ҳимоятгари дастаи Помир-и Душанбе Игор Черевченко ва бозингари футболи Тоҷикистон, ки ҳоло иҷрокунандаи вазифаи сармураббии бошишгоҳи Локомотив-и Маскав аст, ҳамроҳ бо дастааш Ҷоми Русияро соҳиб шуд. Дар қисмати ниҳойии сабқати футбол барои дарёфти Ҷоми Русия дастаи Локомотив бо ҳисоби 3:1 дастаи Кубани-ро мағлуб сохт. Вақти асосии бозӣ мусовӣ — 1:1 анҷом ёфт. Дар вақти иловагӣ бозингарони дастаи Локомотив ду тӯби дигарро вориди дарвозаи ҳариф карданд. Ёдовар мешавем, ки Игор Черевченко аввалин нафарест, ки Ҷоми Русияро ҳам ба ҳайси бозингар ва ҳам ба ҳайси сармураббӣ соҳиб шудааст. Хотиррасон менамоем, ки солҳои 1996, 1997, 2000 ва 2001 ӯ ҳамчун бозингар ин ҷоизаро гирифт.Бояд зикр кард, ки Черевченко ин пирӯзиашро дар Ҷоми Русия ба падараш — Геннадий Черевченко, яке аз ситораҳои дастаи Помир-и Душанбе, ки соли гузашта аз дунё гузашт, бахшидааст. Ин ғалабаро ба падарам мебахшам, ки маро тарбия карда, футболбоз, тренер ва одам кард,-гуфтааст ӯ дар суҳбат ба хабарнигорон.

Май 22, 2015 10:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд