Ҷамъбасти “Донояк” дар кӯдакистонҳои Хуҷанд

Хуҷанд, 30.05.2015. (АМИТ “Ховар”, Абдуаҳад Шарифзода).-Дар маркази Суғд- шаҳри Хуҷанд  дар доираи чорабиниҳои нақшавии шуъбаи маорифи шаҳр бахшида ба Рӯзи байналмилалии ҳифзи кӯдак байни муҳассилини кӯдакистонҳои маркази вилоят озмуни шаҳрии “Донояк” баргузор гардид. 
Тавре ки масъулин аз Раёсати маорифи вилояти Суғд хабар доданд,  озмуни мазкур дар кўдакистони хусусии «Дилоро»-и шаҳр  доир гашта, дар он толибилмон- кӯдакон аз  31 муассисаи томактабии Хуҷанд иштирок намуданд. 
Дар интиҳои озмун  ғолибон ва иштирокдорони фаъол аз кӯдакистонҳои №№40, 33,13, 25, 12,36,24 бо  ифтихорномаву сипоснома ва туҳфаҳои хотиравии шуъбаи маориф сарфароз гардиданд.  Тибқи маълумоти манбаъ, акнун ғолибони озмуни шаҳрӣ ба даври вилоятӣ тайёрӣ хоҳанд дид.