Ҷамъомади тантанавӣ ба ифтихори ҷашни Ғалаба

 
 Ҷиргатол, 6.05.2015.(АМИТ «Ховар», Субҳониддини Маҳмуд).-Рӯзи 6 майи соли ҷорӣ дар ноҳияи Ҷиргатол бо иштироки бевоситаи раиси ноҳия Умедхоҷаи Зоир, кормандони дастгоҳи  раиси ноҳия, мақомоти ҳифзи ҳуқуқ,  собиқадорони ҷангу меҳнат,  талабагону варзишгарони  ноҳия бахшида ба иди Ғалаба  маҷлиси тантанавӣ баргузор гардид.
 Дар ноҳияи мазкур 6 нафар иштирокчии ҶБВ боқӣ мондааст, ки дар ин маҷлис ширкат варзида, ба ҳозирин аз қиссаҳои воқеии солҳои ҶБВ нақл карданд ва ҷавонони ноҳияро ба ватандӯстию  меҳрубонӣ нисбат ба падару модар  ташвиқ карданд. Дар ҷамъомад ба шаш нафар  мардони шуҷои  Ватан раиси ноҳия Умедхоҷаи  Зоир  нишони  ҷашни 70- солагии Ғалаба ва мукофоти пулиро супорид.