Ҷангалпарварӣ дар Фархор рушд меёбад
Душанбе, 20. 05. 2015. (АМИТ «Ховар», Сулаймони Хол).-Ба иттилои директори Муассисаи давлатии хоҷагии ҷангали ноҳия Муъмин Ятимов соли ҷорӣ дар ноҳияи Фархор 62 гектар боғи нав бунёд шуд, ки дар он 230 бех ниҳоли зардолу, 150 бех ниҳоли себи биҳӣ, 70 бех ниҳоли шафтолу, 2340 бех туяи шарқӣ, писта, бодомҳои гуногун ва дигар ниҳолҳои мевадиҳанда шинонида шуда, нигоҳубин мешаванд. Азбаски ноҳияи Фархор ноҳияи сарҳадӣ мебошад, шаҳрвандони давлати Афғонистон даст ба шикори ҳайвонҳои нодир мезананд, ки ин ҳам сари вақт аз ҷониби ҷангалбонони муассиса пешгирӣ мешавад.
Инчунин аз ҷониби масъулини муассиса корҳои биотехникӣ, аз чумла сохтани лонаи паррандаҳо, пошидани рези гандум, додани коҳ барои ҳайвонҳои кӯҳӣ ва дигар чорабиниҳо роҳандозӣ мешавад.
Манбаъ афзуд, ашхосе, ки бераҳмона даст ба буридани дарахт ва ба шикори ҳайвонҳои нодир мезананд, аз тарафи масъулини муассиса ҷарима мешаванд. Соли ҷорӣ ба 34 нафар ба маблағи 11 ҳазору 376 сомонӣ санад тартиб дода шуда, маблағи ҷарима пурра ситонида шуд.