«Ҷавонон ҷонибдори тарзи ҳаёти солиманд»
Муъминобод, 19.05.2015. (АМИТ «Ховар», Сулаймони Хол ).- 17-уми майи соли ҷорӣ дар ноҳияи Муъминобод бахшида ба рӯзи ҷавонони Тоҷикистон таҳти унвони «Ҷавонон ҷонибдори тарзи ҳаёти солиманд» дави миллӣ гузаронида шуд, ки дар ин чорабинии варзишӣ 2726 нафар ширкат варзида, аз ин шумора 200 нафараш бону буд.
Ба гуфти мудири бахши ҷавонон, варзиш ва сайёҳии ноҳия Абдулло Раҷабов дар чорабинӣ масъулини мақомоти иҷроияи ҳокимияти давлатии ноҳия, ташкилоту муассисаҳо ва мактабҳои таҳсилоти умумии ноҳия қувваозмоӣ карда, соҳиби ҷойҳои ифтихорӣ гаштанд. Ба гуфтаи манбаъ, дар чорабинӣ ташкилоту муассисаҳо дар масофаи 1 км, духтарон дар масофаи 3 км ва писарон дар масофаи 5 км давида, ҷойҳои якум, дуюм ва сеюмро ишғол намуданд. Дар натиҷа ҷои якум ба Муини Тоҳир ва Салима Боронова насиб гардид, ки сари вақт ба марра расиданд. Дар охир ба 15 нафар иштирокчии чорабинӣ ифтихорномаҳои раиси ноҳия ва туҳфаҳои хотиравии бахши ҷавонон, варзиш ва сайёҳии ноҳия супорида шуданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
