20 соли бетарафии Туркманистон
Душанбе, 13.05.2015. (АМИТ «Ховар», Марзия Саидзода).- 12 май ба ифтихори 20 солагии бетарафии доимии Туркманистон дар шаҳри Душнбе конфронси илмию амалӣ дар мавзӯи «Бетарафии Туркманистон: омили сулҳу рушди устувор ва ҳамкории судманд» баргузор гардид. Ин чорабинӣ бо ибтикори сафорати Туркманистон дар Тоҷикистон ва Академияи илмҳои кишвар сурат гирифт. Сафири Туркманистон дар Тоҷикистон Ишонқулӣ Амонлиев изҳор дошт, ки бетарафӣ аз рӯзҳои аввали истиқлолият сарчашма мегирад. Дипломати Туркманистон зикр намуд, ки мақоми ҳуқуқи байналмилалии бетарафии доимӣ дар Конститутсияи амалкунандаи Туркманистон зикр ёфта, дар аксари ҳуҷҷатҳои байналмилалӣ дастгирӣ шудааст.Дар конфронс президенти Академияи илмҳои ҶТ Фарҳод Раҳимӣ, муовини ҳамоҳангсози доимии СММ дар ҶТ Алёна Никулита, ректори Донишгоҳи давлатии Туркманистон ба номи Махдумқули Г.Хонмуродова ва муовини якуми директори Маркази тадқиқоти стратегии назди Президенти ҶТ Сайфулло Сафаров дар мавзӯъҳои «Бетарафии Туркманистон: омили сулҳу рушди устувор ва ҳамкории судманд», «Сиёсати бетарафӣ ва сулҳҷӯӣ интихоби таърихии Туркманистони мустақил», «Мақоми Туркманистони бетараф дар таъмини суботи минтақаи Осиёи Марказӣ» маърӯза карданд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






