45 донишҷӯ донишгоҳро «идора» менамояд

Май 5, 2015 09:42

Душанбе, 5.05.2015.(АМИТ «Ховар», Раъно Нусратуллозода).-Дар Донишгоҳи давлатии Хуҷанд ба номи академик Бобоҷон Ғафуров  аз 4 то 11 май «Ҳафтаи иштироки донишҷӯён дар идораи Раёсати донишгоҳ ва факултаҳои он» гузаронида мешавад. 
Тавре ки аз ДДХ иттилоъ доданд, бо ин мақсад дар  донишгоҳ бо иштироки ректори донишгоҳ Анвар Мақсудов  ҳадафи гузаронидани ин чорабинӣ шарҳ дода шуд. Анвар Мақсудов гуфт, ки ин чорабинӣ ҷиҳати татбиқи қонунҳои Ҷумҳурии Тоҷикистон «Дар бораи маориф», «Дар бораи ҷавонон ва сиёсати давлатии ҷавонон», бо мақсади баланд бардоштани самаранокии сиёсати давлат нисбат ба ҷавонон, шиноскунии донишҷӯён бо низоми корбарӣ ва идораи Раёсати Донишгоҳи давлатии Хуҷанд ба номи академик Бобоҷон Ғафуров, ҷалби онҳо ба фаъолияти амалии муассисаи таълимӣ бахшида ба Рӯзи ҷавонони Тоҷикистон амалӣ мешавад. Аллакай комиссияи салоҳиятнок аз тариқи суҳбат донишҷӯёнро муайян ва интихоб намуда, ҷиҳати дар сатҳи баланди ташкилӣ гузаронидани чорабинӣ тадбирҳои амалӣ андешидаанд. 
     Ҷоиз ба зикр аст, ки иштирокчиёни «Ҳафта» оид ба иштирок ва иҷрои вазифа дар Раёсати донишгоҳ дар ҳаҷми 2-3 саҳифа ҳисобот пешниҳод менамояд ва ба иштирокчиёни «Ҳафта» Гувоҳномаи Раёсати донишгоҳ ҷиҳати иштирок дар «Ҳафта худидораи  Раёсати донишгоҳ» дода мешавад.
Ҳамин тавр, 45 нафар донишҷӯ ҳафтаи равон дар вазифаҳои гуногун, аз ҷумла ректор, муовинони ӯ, сардорони раёсатҳо, мудирони шуъбаҳои раёсат, деканҳо ва мудирони кафедраҳои донишгоҳ фаъолият менамоянд.
 
 

Май 5, 2015 09:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд