77 шаҳрванди хориҷӣ аз кишвар берун карда шуд
Душанбе, 22.05.2015. (АМИТ «Ховар», Лайло Тоирӣ).- 77 нафар шаҳрванди хориҷӣ барои дағалона вайрон кардани қоидаҳои будубош бо қарорҳои суд аз қаламрави Ҷумҳурии Тоҷикистон берун карда шуд.Бино ба иттилои сухангӯи Хадамоти муҳоҷират А.Қодирӣ, дар натиҷаи гузаронидани санҷишҳо аз ҷониби кормандони Хадамоти муҳоҷират дар вилоятҳои Суғду Хатлон, ВМКБ, шаҳри Душанбе ва ноҳияҳои тобеи марказ нисбат ба 148 нафар шаҳрвандони хориҷӣ барои риоя накардани қоидаҳои будубош дар қаламрави Ҷумҳурии Тоҷикистон тибқи моддаҳои 499, 497 ва 138-и Кодекси ҳуқуқвайронкунии маъмурии Ҷумҳурии Тоҷикистон протоколҳои маъмурӣ тартиб дода шуда, нисбат ба 77 нафар (соли 2014-32) шаҳрвандони хориҷӣ барои дағалона вайрон кардани муқаррароти будубош бо қарорҳои суд аз қаламрави Ҷумҳурии Тоҷикистон берун карда шуданд. Аз ҷумла, дар вилояти Суғд барои риоя накардани қоидаҳои будубош нисбат ба 58 нафар, вилояти Хатлон 6 нафар, ВМКБ 1 нафар, шаҳри Душанбе ва шаҳру ноҳияҳои тобеи ҷумҳурӣ 83 нафар санади маъмурӣ тартиб дода шуда, барои вайрон кардани муқарароти будубош мутаносибан аз вилояти Суғд 17 нафар, Хатлон 6 нафар, шаҳри Душанбе ва шаҳру ноҳияҳои тобеи ҷумҳурӣ 56 нафар шаҳрванди хориҷӣ аз қаламрави ҷумҳурӣ берун карда шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






