Баррасии китобҳои дарсии насли нав

Душанбе, 20.05.2015. (АМИТ «Ховар», Раъно Нусратуллозода).-Бо мақсади дар нашрҳои минбаъдаи китобҳои дарсии насли нав ба назар гирифтани эроду пешниҳодҳои омӯзгорони шаҳру ноҳияҳои ҷумҳурӣ рӯзҳои 26-29 май дар шаҳру ноҳияҳои вилояти Суғд вохӯрии муаллифони китобҳои дарсӣ бо омӯзгорони фаъоли шаҳру ноҳияҳои вилоят доир мегардад. 
Тавре ки аз Вазорати маориф ва илми ҷумҳурӣ иттилоъ доданд, дар вохӯрӣ муҳокимаи китобҳои дарсии забон ва адабиёти  тоҷик, экология, биология, табиатшиносӣ, физика, математика, химия, таърих ва ҳуқуқ ва баррасии иловаҳо ба китобҳои дарсии мактабҳои равиявӣ дар назар аст.