Баррасии масоили ҳамкории Тоҷикистону Беларус
Душанбе, 13.05.2015. (АМИТ “Ховар”). -Дирӯз, 12 майи соли 2015 мулоқоти Сафири Фавқулода ва Мухтори Ҷумҳурии Тоҷикистон Қозидавлат Қоимдодов бо вазири адлияи Ҷумҳурии Беларус Олег Слижевский баргузор гардид.
Аз Сафорати Ҷумҳурии Тоҷикистон дар Ҷумҳурии Беларус ба АМИТ “Ховар” иттилоъ доданд, ки дар вохӯрӣ ҳолат ва дурнамои ҳамкориҳои дуҷониба муҳокима шуданд. Ба ҷараёни амалишавии мувофиқаҳои ҳосилшуда дар сатҳи олӣ зимни сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Беларус дар моҳи майи соли 2014 таваҷҷуҳи хосса зоҳир гардид.
Сафири Тоҷикистон зикр намуд, ки ба хотири густаришу таҳкими робитаҳои дуҷонибаи давлатҳои дӯст — Ҷумҳурии Тоҷикистон ва Ҷумҳурии Беларус заминаи устувори шартномавӣ-ҳуқуқӣ эҷод шудааст, ки беш аз 60 аҳдномаву созишномаи байнидавлатӣ, байниҳукуматӣ ва байниидоравиро дар бар мегирад.
Вазир иброз дошт, ки байни вазоратҳои адлияи Ҷумҳурии Беларус ва Ҷумҳурии Тоҷикистон муносибатҳои хайрхоҳона роҳандозӣ шуда, Созишнома дар бораи ҳамкорӣ, ки соли 2012 байни ду вазорат ба имзо расид, ба тамосҳо такони нав бахшид ва мавриди амал қарор дорад.
Дар вохӯрӣ ҳамчунин оид ба масъалаҳои дигари мавриди таваҷҷуҳи тарафҳо табодули назар сурат гирифт.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
