Баррасии масоили метрологӣ дар ҷаласаи 25-уми КООМЕТ
Душанбе, 25.05.2015. (АМИТ «Ховар», Ситораи Боймурод).- Дар таърихи соҳибистиқлолии кишвар бори аввал 26-28-уми майи соли равон дар Осоишгоҳи «Баҳористон»-и шаҳри Қайроққум ҷаласаи 25-уми Кумитаи созмони ҳамкориҳои АвруОсиёии муассисаҳои давлатии метрологӣ, яъне КООМЕТ ва ҷаласаи 13-уми Кумитаи муттаҳида оид ба эталонҳо бо иштироки намояндагони зиёда аз 20 давлати ҷаҳон баргузор мегардад.
Тавре ки дар ин бора хадамоти матбуоти раиси вилояти Суғд хабар додааст, роҳбарон ва намояндагони идораҳои стандартонӣ ва метрологии 12 давлати муштаракулманофеъ (ИДМ), ба монанди Федератсияи Русия, Беларус, Украина, Қазоқистон, Озарбойҷон, Молдова, Арманистон, Ӯзбекистон ва Қирғизистон, инчунин аз мамлакатҳои ИМА, Ҷумҳурии Мардумии Чин, Франсия, Олмон, Туркия, зиёда аз 50 нафар намоянда ширкат мекунад.
Гуфта мешавад, ки дар ҷаласаи мазкур президенти созмони КООМЕТ ва президенти стандарти давлатии Ҷумҳурии Мардумии Чин ва дигар роҳбарони соҳаи стандартонӣ ва метрологии кишварҳои хориҷи дурру наздик ширкат мекунанд.
Иштирокчиёни ҷаласа дар давоми 3 рӯз масъалаҳои муҳими соҳаи метрология ва эталонҳо, ҳамчунин дурнамои фаъолияти созмонро баррасӣ хоҳанд кард ва аз рӯи барнома бо ҷойҳои таърихӣ ва фарҳангии вилоят ошно хоҳанд шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






