Баррасии рушди санъатшиносӣ дар Тоҷикистон

Душанбе, 15. 05. 2015. (АМИТ «Ховар», Мавҷуда Анварӣ).-Дар Пажӯҳишгоҳи илмӣ-тадқиқотии фарҳанг ва иттилоот дар мавзӯи «Масоили рушди санъатшиносӣ дар Тоҷикистон» мизи мудаввар доир гардид. 
Дар он мутахассисони соҳаи санъат аз гӯшаҳои гуногуни кишвар ҷамъ омаданд. Иштирокдорон масоили ҳалталаби илми санъатшиносӣ; ҳолати имрӯза ва масъалаҳои муҳими илмӣ, мавқеи санъатшиносӣ дар байни илмҳои ҷомеашиносии Тоҷикистон ва масъалаи тайёр намудани мутахассисони соҳаи санъатшиносиро мавриди таҳлилу баррасӣ қарор доданд. 
Гуфта шуд, ки инкишофи муваффақонаи санъатшиносии ватании Тоҷикистон ҳалли як зумра масъалаҳоро, ки илми санъатшиносӣ дар замони муосир дучор меояд, талаб менамояд.