Беш аз 700 ҳазори шаҳрдорӣ ба иштирокдорони ҶБВ

  Душанбе, 06.05.2015.(АМИТ «Ховар», Марзия Саидзода).-Шаҳрдории Душанбе дар остонаи ҷашни 70-умин солгарди Ғалаба дар Ҷанги Бузурги Ватанӣ ба  иштирокчиён ва маъюбони ҶБВ ва шахсони имтиёзҳояшон ба онҳо баробар кардашуда,  716 ҳазору  100 сомонӣ кумаки якдафъаина ҷудо намуд. Тибқи қарори раиси шаҳри Душанбе Маҳмадсаид Убайдуллоев ин маблағҳо ба нафарони мазкур на дертар аз 7 май расонида мешавад. 
         Аз ин маблағ ба 95 нафар иштирокчиву маъюби ҶБВ ва 3 нафар ҳамсарони ҷанговарони дар ин ҷанг ҳалокгардида, ки дар Душанбе истиқомат мекунанд, ба ҳар кадоме ба андозаи 1000 (ҳазор) сомонӣ ҷудо шудааст. Инчунин ба муҳосирабудагони шаҳри Ленинград, шахсони бо ордену медалҳои ҳарбӣ дар ақибгоҳ солҳои ҶБВ сарфарозгардида, шахсоне, ки зиёда аз шаш моҳ дар ақибгоҳ, дар давраи  ҶБВ кор кардаанд, маъюбони амалиёти ҷангӣ дар қаламрави давлатҳои дигар (Афғонистон), маъюбони садамаи Неругоҳи барқӣ-атомии Чернобил, оилаҳое, ки саробони онҳо ҳангоми ҳимояи сохти конститутсионӣ ҳалок гардидаанд, ба ҳар кадоме ба андозаи  700 (ҳафтсад) сомонӣ дода мешавад.