Дасти хайри соҳибкорӣ ватанӣ

Кӯлоб, 14.05.2015.(АМИТ «Ховар», Фарҳоди Мадамин).-Соҳибкорони ватанӣ камари ҳиммат бастаанд, ки дастуру супоришҳои Президенти мамлакатро дар самти сиёсати ҷавонон оид ба рушди варзиш татбиқ намоянд ва дар солимгардонии ҷавонону пешгирии рафторҳои номатлуб ҳисса гузоранд. Дар робита ба ин соҳибкор Фирўз Набиев аз ҷамоати Саричашмаи ноҳияи Шӯрообод дар деҳаи ба номи Бобо Носири ноҳия толори варзишии муҷаҳҳазро ба варзишгарон тақдим намуд. Бояд зикр кард, ки дар ин ҷамоати аз минтақа дур тайи солҳои тӯлонӣ толор ва майдончаи варзишӣ набуд. Хушбахтона, дар даврони истиқлолият сокинони ин деҳа ба муроди худ расиданд.Толори варзишӣ бо маблағи 270 ҳазор сомонӣ сохта шуд. Соҳибкор дар оянда ният дорад дар ин маҳалла меҳмонхона ва чойхонаро ба истифода диҳад.Мақсади соҳибкор чун як фарди ватандӯст ободу зебо гардонидани диёри худ, тарбияи насли наврас дар рўҳияи ватандорӣ, пешгирии ҷавонон аз равияҳои номатлубу ба ҷомеа зараровар мебошад.