Эҳтимолияти ҳолатҳои фавқулода дар Хатлон

Душанбе,25.05.2015. (АМИТ «Ховар», Мавҷуда Анварӣ).-Дар ҳудуди шаҳру ноҳияҳои вилояти Хатлон дар моҳи апрел 44 ҳодисаи фавқулодаи хусусияти техногенидошта сабт шудааст, ки дар пайи он ба хоҷагии халқ 57800 сомонӣ зиёни молиявӣ расидааст.
Ба иттилои Вафо Ашӯров, корманди масъули Ситод оид ба ҳолатҳои фавқулода ва мудофиаи граждании вилояти Хатлон, дар натиҷа ин ҳодисаҳо 6 нафар ҳалок гардида, 33 нафар ҷароҳати гуногун бардошт. 
Дар робита ба ин Вафо Ашӯров ҳущдор дод, ки: «Дар ҳудуди шаҳру ноҳияҳои вилоят то охири моҳи майи соли ҷорӣ ба вуқӯъ омадани эҳтимолияти ҳолатҳои фавқулодаи вазиши шамоли сахт, сӯхтор, боридани боронҳои пайдарпай, омадани сел, обхезӣ, афзоиши ҳолатҳои ғарқшавии одамон ва садамаҳои нақлиётӣ дар назар аст».