“Фарҳанги оиладории ҷавонон” дар Конибодом

Душанбе, 15.05.2015. (АМИТ»Ховар», Рафоати Абдулҳамид).- Дар  шаҳри Конибодом даври  аввали  озмуни вилоятии  “Фарҳанги  оиладории  ҷавонон” ҷамъбаст гардида, омӯзгори  ҷавони  коллеҷи  омӯзгории шаҳр  Шаҳноза  Хидирова  аз  рӯйи  4  шарти  озмун  маҳорати  баланд  нишон дод  ва  ба  даври  вилоятӣ  роҳхат  гирифт.
Тавре ки Хадамоти матбуоти раиси вилояти Суғд хабар додааст, шартҳои  озмун  аз  иҷрои  саҳна  оид  ба  ҳаёти  оилавӣ,  намоиши  либос,  ҳунари  пазандагӣ  ва  иҷрои  суруди  алла  иборат  буда,  дар  даври  шаҳрӣ  зиёда  аз   100  нафар  ҷавон  аз  соҳаҳои  гуногун  маҳорати  худро  нишон  доданд.