Футзали Тоҷикистон: пирӯзии «Сипар»
Душанбе, 21.05.2015. (АМИТ »Ховар», Рафоати Абдулҳамид).- Тавре ки сомонаи расмии Федератсияи футболи Тоҷикистон хабар додааст, дар бозии марказии даври сеюми лигаи касбии футзали Тоҷикистон чемпиони феълии мамлакат “ДИСИ Инвест”-и пойтахт “Соро компания”-и Душанберо бо ҳисоби бузурги 8 бар 1 шикаст дод.
Бояд гуфт, ки дар вохӯрӣ ҳисобро футзалбозони “Соро компания” боз карданд, ки он барояшон ибтидову интиҳоӣ шуд. Ба голи ягонаи онҳо бозингарони футзали “ДИСИ Инвест” бо ҳашт гол ҷавоб гуфтанд. Дар ин бозӣ капитани ғолибон Ораз Ализода муаллифи хет- трик шуд.
Аз ҳама дида, дастаи сулҳдӯсти лига “ТКБ Лизинг” ин бор низ бозияшро мусовӣ анҷом кард. Шогирдони Пайрав Воҳидов дар бозӣ бо “Самандар”-и Турсунзода қариб буд, ки ба нахустин ғалаба ноил шаванд. Аммо дар қисми якуми вохӯрӣ бо 2 гол пешсаф буда, дар қисми дуюм ба дарвозаи худ ду гол сар доданд. Баъди ин мусовӣ “Самандар”- и Турсунзода соҳиби имтиёзи аввалини чемпионат шуд.
Баъд аз се мағлубияти пайдарҳам “Сипар”- и Хуҷанд дар ин давр ба пирӯзӣ ноил шуд. Футзалистони хуҷандӣ бо ҳисоби 5 бар 2 “Формула успеха”-и пойтахтро мағлуб карданд.
Барномаи даври сеюми сабқати мазкур имрӯз, 21- уми май анҷом мешавад. Футзалистони “Бонки миллӣ” бо витсе- чемпиони футзали Тоҷикистон дастаи “Газпром” рӯбарӯ мешаванд.
Ёдовар мешавем, ки ин бозӣ соати 17.00. оғоз мешавад.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
