Гусели 38 нафар ба нафақа

Душанбе, 27.05.2015. (АМИТ «Ховар», Муқаддас Темурзода).-Дирӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон таҳти раёсати директори агентӣ Рустами Эмомалӣ ҷаласаи тантанавӣ баргузор гардид. Дар ҷаласа 38 нафар корманди воҳидҳои ҳифзи ҳуқуқи агентӣ, ки мувофиқи Низомномаи адои хизмат ба синни ниҳоии хизмат расидаанд, ба нафақа гусел  карда шуд.
Тибқи иттилои Маркази матбуоти Агентии назорати давлатии молиявӣ ва мубориза бо коррупсияи ҶТ, директори агентии мазкур ба кормандони собиқадори мақомот барои хизмати содиқона дар назди халқу Ватан миннатдорӣ баён намуда, ба эшон барои хизматҳои шоён, дарозмуддат ва бенуқсон, тарбияи мутахассисони ҷавон ва саҳми босазо гузоштан дар татбиқи сиёсати зиддикоррупсионии давлат мукофотҳои хотиравӣ тақдим намуд. Аз ҷумла, 2 нафар корманд ба Китоби фахрии агентӣ дохил шуда, 4 нафар бо нишони сарисинагии “Аълочии мақомоти назорати давлатии молиявӣ ва мубориза бо коррупсия” ва 15 нафар корманд бо “Ифтихорнома”-и агентӣ мукофонида шуд.