Хоруғ ид дорад

Душанбе, 08.05.2015. (АМИТ «Ховар»,  Муқаддас  Темурзода).- 7 май  ба  ифтихори  70 — солагии Ғалаба  дар   гузаргоҳи  назоратии  «Қизил-арт» — и ноҳияи  Мурғоби  ВМКБ  маросими  супурдани  рамзи  «Сабқати   Ғалаба» аз  сарҳадбонони  Қирғизистон  ба  сарҳадчиёни  Тоҷикистон  баргузор гардид. 
Дар  ҳошияи  ин  маросим  дар  дастаи  сарҳадӣ  консерти  гурӯҳи  суруду  рақсии Сарраёсати  қӯшунҳои  сарҳадии Кумитаи  давлатии  амнияти  миллии ҶТ  баргузор  шуд. 
Ба  гуфтаи  сардори  маркази  матбуоти Сарраёсати қӯшунҳои  сарҳадӣ Муҳаммад Улуғхоҷаев,  ба  ифтихори  ин  санаи  фарҳунда дар  шаҳри  Хоруғ чорабиниҳои  идона  роҳандозӣ  мешаванд.