Иқдоми хайрхоҳона

Душанбе, 06.05.2015. (АМИТ «Ховар», Муҳаммадориф Шарифзода).- Ширкати саҳҳомии  кушодаи  «ТV Cервис», ки  яке  аз  шабакаҳои  пешқадами  пахши  рақамии  барномаҳои  телевизион ба шумор  меравад,  дар  ҳошияи  дастури Президенти  кишвар  дар  мавриди  дароз  кардани  дасти  ёрӣ  ба  собиқадорони ҷангу  меҳнат ба  ифтихори  70 — солагии Ҷанги  Бузурги  Ватании   солҳои  1941 — 1945  тасмим  гирифтааст, ки  иштироккунндагони Ҷанги  Бузурги  Ватанӣ,  ҷанговарони  интернатсионалист ва  собиқадорони  меҳнатро  аз  пардохти  маблағи  истифодаи  шабакаҳои  телевизионии  ширкати  мазкур  то 1 январи  соли  2016  озод  намояд. 
Гурӯҳи собиқадорони  ҷангу  меҳнат,  ки  аз имтиёзҳои ширкат бархӯрдор  шудаанд, лутфу  эҳтиромоти  худро  дар  дафтари   фикру  мулоҳизаҳои он  ба таври  зерин  арза доштаанд: «Аз  меҳрубонию  ғамхориҳои ширкат  нисбат ба  мо,  пиронсолон, як ҷаҳон ташаккур  мегӯем. Умедворем, ки  ҳайати  ширкат  дар  фаъолияти  наҷибашон  ба   дастовардҳои  аз  ин  ҳам  бештар  ноил  мешаванд. Ба  аҳли  ширкат  саломатӣ  ва  комрониҳоро  таманно  дорем».
— Ширкати  саҳҳомии  пӯшидаи  «ТV Cервис»  аз  соли  2002 фаъолият  дошта, 96  шабакаи он  иборат  аз  3  баста бинандагонро  бо   хабарҳои сиёсӣ,  иқтисодӣ,  иҷтимоӣ,  фарҳангӣ,  варзишӣ  ва  ғайра  ошно  сохта, теъдоди  муштариёни он  бештар  аз  5000 нафарро ташкил  медиҳад, —  изҳор  дошт  раиси  ширкат  Фазлиддин  Наҷмуддинов.