Иштирокдорони ҶБВ дар ҳалқаи наврасон
Рашт, 5.05.2015. (АМИТ «Ховар», Мирзосафари Ризвон).- Вақте номи иштирокчиёни Ҷанги Бузурги Ватаниро ба забон меорем, пеши назар симои инсонҳои шарифе ҷилвагар мешавад, ки сари синаи онҳоро ордену медалҳои ҷангӣ оро додаанд. Ин ордену медалҳо гувоҳи дар ҳифзи Ватан ҷонбозиҳо кардани онҳост. Агар аз онҳо дар хусуси корнамоиҳои майдонҳои набард пурсем, бо як фурӯтанӣ: «Ватан дар хатар буд. Мо онро муҳофизат кардем, қарзи фарзандиро ба ҷо овардем»,- мегӯянд онҳо.
Дар арафаи иди Ғалаба собиқадорони ҶБВ ба пириашон нигоҳ накарда, хеле сертараддуд мешаванд. Онҳоро зуд-зуд барои вохӯрӣ бо мактаббачагон даъват менамоянд, то ба наврасон аз ҳаёти ибратомӯзи ҷангӣ ва меҳнатии худ сухан гӯянд. Мактаббачагон аз ин вохӯриҳо дарси мардонагиву ҷасорат мегиранд, меҳрашон ба Ватан дучанд меафзояд, ҳисси ватандӯстӣ дар қалбашон аланга мезанад.
Чанде пеш чунин як вохӯрии шавқовари ветеранҳои ҷангу меҳнат Алӣ Раҷабов ва Сафол Мирзоев бо хонандагону омӯзгорони мактаби таҳсилоти умумии миёнаи рақами 1-и шаҳраки Ғарми ноҳияи Рашт доир гардид. Алӣ Раҷабов аз ҳаёти давраи ҷанг ва ғалабаи Армияи Шӯравӣ бар Германияи фашистӣ ёддоштҳои ҷолибашро ба хотир овард.
Сарвари мактаби мазкур Ибодат Салоҳова ба собиқадорон аз номи хонандагону омӯзгорон изҳори миннатдорӣ намуда, онҳоро бо туҳфаҳои хотиравӣ қадр кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






