«Истиқлол» бо «Аҳал» вомехӯрад

Душанбе, 13.05.2015. (АМИТ «Ховар»).- Имрӯз, 13 май дар шаҳри Душанбе даври шашуми марҳалаи гурӯҳии Ҷоми Конфедератсияи футболи Осиё байни дастаҳои «Истиқлол» ва «Аҳал» баргузор мешавад. Ёдовар мешавем, ки дастаи «Истиқлол» баъди 5 даври мусобиқот бо 8 хол дар сатри дуюми ҷадвали он дар гурӯҳи «С» қарор дошта, дастаи «Аҳал» бо 6 хол ҷойи сеюмро ишғол менамояд.Дастаҳои зикршуда бори аввал 11 март дар шаҳри Ашқобод қувваозмоӣ намуда, дар он дастаи «Истиқлол» бо ҳисоби 2:1 пирӯз шуд.