Изҳороти Н.Бордюжа
Душанбе, 21.05.2015. (АМИТ «Ховар»).- 20 май дар шаҳри Хуҷанд таҳти раёсати дабири Шӯрои амнияти Ҷумҳурии Тоҷикистон Абдураҳим Қаҳҳоров ҷаласаи навбатии Кумитаи муншиҳои шӯроҳои амнияти Созмони Паймони амнияти дастаҷамъӣ баргузор гардид. Дар ҷаласа Дабири кулли СПАД Николай Бордюжа иштирок ва сухан кард.Тавре ки аз СПАД хабар доданд, масоили мубрами амнияти байналмилалию дастаҷамъӣ дар минтақаи фаъолияти Паймон, тадбирҳои давлатҳои узви СПАД барои ҷилавгирии хавфу хатар ба минтақаи амнияти дастаҷамъӣ, вазъияти Афғонистон ва таъсири он ба вазъи минтақаи масъулияти СПАД мавриди муҳокима қарор гирифтанд. Мувофиқи маълумоти Дабири кулли СПАД хавфу хатаре, ки бар асари дар Афғонистон мавҷуд будани гурӯҳҳои ҷунбиши «Толибон» ва дастаҳои дигари мусаллаҳ сар мезанад, дар самти ҷанубии минтақаи масъулияти Созмони Паймони амнияти дастаҷамъӣ низ арзи вуҷуд дорад. «Вазъияти мураккаби Афғонистон яке аз сабабҳои дар ин ҷо рӯи кор овардани тафтиши ногаҳонии Қувваҳои дастаҷамъии вокуниши сареъи СПАД гардид», — зикр намуд Николай Бордюжа.Ба гуфтаи мавсуф, дар Афғонистогн баробари «Толибон» намояндагони «Давлати исломӣ» вуҷуд доранд, ки ин боиси ташвиши сарони давлатҳои узви СПАД мегардад. Н.Бордюжа ба тафтиши ногаҳонии СПАД аз 12 то 19 майи соли ҷорӣ дахл карда, изҳор дошт, ки Қувваҳои дастаҷамъии вокуниши сареъии СПАД ба иҷрои вазифаҳои ба зимаашон гузошташуда омодаанд. Дар баробари ин Раиси Шӯрои амнияти дастаҷамъии СПАД, Президенти Ҷумҳурии Тоҷикистон Эмомалӣ Раҳмон фаъолияти амалию мураттаби Қувваҳои дастаҷамъиро ба дараҷаи баланд арзёбӣ намуд.Дар ҷаласа дурнамои машварати намояндагони давлатҳои узви Созмони Паймони амнияти дастаҷамъӣ аз рӯи масоили сиёсати хориҷӣ, амният ва мудофиа барои нимсолаи дуюми соли 2015 ва нимсолаи аввали соли 2016 баррасӣ ва маъқул ёфта шуд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






