Конфронси байналмилалӣ дар Душанбе

Душанбе, 08.05.2015. (АМИТ «Ховар»). — Бахшида ба 50-умин солгарди таъсиси Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон 5-6 майи соли 2015 Конфронси байналмилалӣ дар мавзўи «Китобхонаи давлатии патентию техникӣ-50 соли фаъолият, рушд ва дастовардҳо» баргузор гардид.
Дар конфронс маърўзаи директори Китобхонаи давлатии патентию техникӣ Боймурод Боев шунида шуд, ки дар он таърихи пайдоиш, фаъолияти 50-сола, вазъи кунунӣ ва рушди он пешниҳод шуд.  
Муовини вазири рушди иқтисод ва савдои Ҷумҳурии Тоҷикистон Умед Давлатзод вобаста ба дастгирии ҳамаҷонибаи соҳаи китобдорӣ аз ҷониби Сарвари давлат ва Ҳукумати мамлакат маълумоти дахлдорро ба иштирокчиёни чорабинӣ манзур намуд.
 Аз тарафи ташкилкунандагони конфронс барои кулли иштирокчиён китобҳои тозанашри Президенти Ҷумҳурии Тоҷикистон Эмомалӣ  Раҳмон бо номи «Бист қадами созанда» ва «О времени и о себе», инчунин маҷаллаи махсуси ҷашнии «Китобдор» тақдим шуд.