Лавҳаи хотиравӣ дар Кӯлоб

Кулоб,08.05.2015 (АМИТ «Ховар», Фарҳоди Мадамин).-  Дар арафаи ҷашни  Ғалаба дар шаҳри Кӯлоб бо дастгирии Ҳукумати Ҷумҳурӣ ва Раёсати собиқадорони садамаи Чернобил лавҳаи хотиравӣ кушода шуд.
Дар чорабинӣ роҳбарон ва масъулини вилоят ширкат варзида, тамоми иштирокдорони ҷанг, меҳнаткашони ақибгоҳ ва собиқадорони меҳнатро ба муносибати 70-умин солгарди Ғалабаи халқи шӯравӣ бар Германияи фашистӣ табрик намуданд. 
Роҳбарияти вилоят  ва Шӯрои собиқадорони ҷангу меҳнати шаҳр бар пояи лавҳаи хотиравӣ гулчамбар гузошта, бо лаҳзае сукут хотири шаҳидони Ватанро пос доштанд.
Бояд зикр намуд, ки дар ин ҳодисаи мудҳиш зиёда аз 700 нафар шаҳрванди вилояти Хатлон иштирок намуд. Маъюбону иштирокчиёни садамаи Чернобил ҳамеша таҳти назорати Ҳукумати кишвар мебошанд.
Дар арафаи иди Ғалаба аз тарафи Мақомоти иҷроияи ҳокимияти давлатии вилояти Хатлон ба маблағи 200 сомонӣ ва аз тарафи мақомоти иҷроияи ҳокимияти давлатии шаҳри Кӯлоб туҳфаҳои хотиравӣ тақдим гардиданд.