Мақоми занон дар бахши оби Тоҷикистон

Душанбе, 13.05.2015. (АМИТ «Ховар», Кристина Эрлих).- Имрӯз, 13 май, шабакаи созмонҳои мушорик оид ба таъмини обрасонии устувор ва беҳдошт бахшида ба мақоми зан дар бахши оби Тоҷикистон ҷаласа доир менамояд. Чорабинии мазкур бо ибтикори Оксфам дар Тоҷикистон дар ҳошияи лоиҳаи «Обрасонӣ ва беҳдошт дар Тоҷикистон», ки онро Агентии рушду ҳамкории Швейтсария маблағгузорӣ намуда, зимни ҳамкорӣ бо Ҳукумати Тоҷикистон ва Барномаи рушди СММ амалӣ мегардад, роҳандозӣ мешавад.Яке аз вазифаҳои асосии ин чорабинӣ иборат аз ташкили гурӯҳи миллии кории «Гендер (баробар кардани ҳуқуқи марду зан) ва об дар Тоҷикистон» мебошад. Кумитаи кор бо занон ва оилаи назди Ҳукумати ҶТ, ки мақомоти ваколатдори рушди сиёсати гендерӣ ва стратегия дар сатҳи миллӣ ба шумор меравад, пешсафи гурӯҳи кории мазкур маҳсуб меёбад. Мароми гурӯҳи корӣ роҳандозии хулосаи умумии масоили гендерӣ дар бахши оби Тоҷикистон, аз ҷумла идораи захираҳои об, пешқадамии занон ва иштироки онҳо дар ин бахш мебошад.