Марафони дучархаронӣ дар доираи Рӯзи ҷавонӣ

Ғафуров, 26.05.2015. (АМИТ “Ховар”, Абдуаҳад Шарифзода).-Дар вилояти Суғд бахшида ба як моҳи ҷавонӣ чорабиниҳои варзишӣ ҷараён доранд. Тавре  ки  масъулин аз раёсати ҷавонон, варзиш ва сайёҳии вилояти Суғд  хабар доданд, дар доираи чорабиниҳои ҷашнӣ дар ноҳияи Бобоҷон Ғафуров бо ташаббуси бахши ҷавонон, варзиш ва сайёҳии ноҳия мусобиқаи дучархаронӣ  гузаронида шуд. 
Ба гуфти манбаъ, яке аз ҳадафҳои  асосии ташкили марафони дучархаронӣ  ин  ҷалби бештари ҷавонону наврасон ба тарзи ҳаёти солим ва намудҳои варзиш, аз қабили дучархаронӣ мебошад. 
Мусобиқа бо иштироки беш аз 200 нафар ҷавон аз ҳамаи ҷамоатҳои ноҳия аз даромадгоҳи шаҳри Хуҷанд оғоз гардида, то назди Амфитеатри  Қасри Арбоб дар масофаи 15 км сурат гирифт.